Jaco Botha © Gérard Rudolf
Aanvanklik nie oog tot oog
gesien nie, jy en ek. Toe later
jou leer peil met jou tien
persent sig, jou teenaan staan
om 'n woord of klank te verstaan.
Eers onrusstoker, later vredemaker
wanneer vriende knaks raak met elkander.
Nou kyk ek terug na jou, ons eie Carver,
lees 'n e-pos versend twee weke gelede
en wis toé nie hoe daardie riviere
waaroor jy skryf, jou sou insluk:
Acheron, rivier van pyn, na Cocytus,
die rivier van blinde lamentasie.
Uiteindelik tot by Lethe,
die rivier van die groot-groot vergeet.
Maar hier sal ek bly onthou
van daardie man met die sweisbril,
wat inkyk tot by die Onsienlike in.
wat inkyk tot by die Onsienlike in.