Quantcast
Channel: WOORDE WAT WEEG
Viewing all articles
Browse latest Browse all 819

Gedig | Joan Hambidge - Bethlehem-ster | 2020

$
0
0

As die drie wyse manne vandag

uit die Ooste sou aankom,

sal hulle maskers dra;

 

nes Maria en Josef

in die stal aangetref

met die Jesus-kind.

 

Nie goud, wierook

of mirre sal hulle bring

hierdie keer nie.

 

Saam met geloof, hoop

en liefde waarskynlik

'n antidoot

 

téén die kroon van siektes

wat alle sekerhede

nou óntmasker.



Viewing all articles
Browse latest Browse all 819